Duarte Lobo

Duarte Lobo
	;
Biografía
Nacemento	1565 (Gregoriano) ; Reino de Portugal
Morte	24 de setembro de 1646 (80/81 anos); Reino de Portugal
Mestre de capela Catedral de Lisboa
	1594 –
Mestre de capela Sé Catedral de Évora (pt)
Datos persoais
Outros nomes	Eduardus Lupus
Actividade
Ocupación	compositor
Movemento	Música barroca
Descrito pola fonte	Dicionario Musical Riemann (1901–1904)

Duarte Lobo, nome latinizado como Eduardus Lupus, nado contra o ano 1565 e finado o 24 de setembro de 1646, foi un compositor portugués da época do Renacemento tardío e Barroco inicial. Foi o máis famoso compositor portugués da súa época. En conxunto con Filipe de Magalhães, Manuel Cardoso, e o Rei D. João IV é considerado un dos músicos da "época dourada" da polifonía portuguesa.

Traxectoria

Sábese pouco da súa vida. Naceu en Alcáçovas ou en Lisboa, e sábese que foi alumno de Manuel Mendes en Évora. O seu primeiro traballo foi o de mestre de capela da catedral de Évora; en 1594 era mestre de capela en Lisboa. Ensinou música no Colégio do Claustro da Sé en Lisboa, onde permaneceu polo menos ata 1639. Máis tarde dirixiu na capital a capela do Seminario de São Bartolomeu. Asinaba as súas obras como Eduardus Lupus.

Aínda que cronoloxicamente a súa vida se sobrepoña á época do Barroco, escribiu, tal como Manuel Cardoso, música esencialmente ao estilo e técnica contrapontística da Renacemento, como a da polifonía de Palestrina, tal como se podería esperar por ter vivido nunha zona illada das innovacións musicais de Italia e Alemaña. Publicou seis libros de música sacra, incluíndo misas, responsorios, antífonas, magnificats e motetes.

A súa música é altamente atractiva, con forza expresiva, tirando partido das características rítmicas e harmónicas do texto latino, en conformidade coas disposicións do Concilio de Trento.

Encóntranse dispersos por diversas cidades (Coímbra, Évora, Vila Viçosa, Valladolid, Sevilla, Munic, Londres e Viena) os exemplares de practicamente todo o que da súa obra se editou en Anveres (Plantin, 1602-1639) e en Lisboa (Craesbeck, 1607).

Algunhas obras

1603 -Officium Defunctorum.
1605 -Cantica Beatae Virginis (16 Magnificat a catro voces).
1621 -Liber Missarum I.
1639 -Liber Missarum II.